ТЭА́ТР ІМЯ́ Ю.СЛАВА́ЦКАГА.
Адкрыты ў 1893 у Кракаве (Польшча), з 1909 імя Славацкага. У 1946—54 аб’яднаны з «Тэатрам Старым». У розныя часы т-р узначальвалі: Т.Паўлікоўскі, Ю.Катарбінскі, Л.Сольскі, Ю.Астэрва, К.Скушанка і інш. На сцэне т-ра адбыліся прэм’еры шэдэўраў польскага рамантызму («Кардыян» Славацкага, 1899; «Дзяды» А.Міцкевіча, 1901; «Не-Боская камедыя» З.Красінскага, 1902), п’ес С.Выспянскага («Вяселле», 1901, «Вызваленне», 1902, «Баляслаў Смелы», 1903, і інш.). У рэпертуары т-ра польская і сусв. драматургія розных стыляў і эпох (С.І.Віткевіч, П.Кладэль, Л.Пірандэла, С.Жаромскі, А.Чэхаў, Мальер і інш.).
Літ.:
Poskuta-Włodek D. Co dzień powtarza się gra...: Teatr im. Juliusza Słowackiego w Krakowie, 1893—1993. Kraków, 1993.
т. 16, с. 94
Беларуская Энцыклапедыя (1996—2004, правапіс да 2008 г., часткова)